Aap Ki Wiladad Ba’Saadad 1929 Soobaye Karnatak Ke Mulbagal Town Me Hovi. App Ka Naam Sheikh Ahmed Tha, Aap Ke Walid Muhtaram Janab Sheikh Paacha Miya Aur Walida Muhtarama Mohiudeen BiMosoof Ke 5 Bhai Aur 3 Behen The. Aap Ne Jamat Shashum (Sixth) Tak Ki Taleem Hasil Ki. Aap Bachpan Se Hi Zeheni Taleem Aur Islami Tareeqon Ke Paband Rahe. Aap Pesha Ke Aitabar Se Kisan The. Luqma Halal Par Iktifa Karte The. Aap Ka Dil Hamesha Rujo Illalah Hova Karta Tha Hamesha Talashe Khuda Ka shouk Aap Ke Dil Me UbartaRehetha Tha Ibtida Aap RaaheTariqath Ke Qilaf The Phir Aap Par Marde Khuda Peer KamilHazrat Sultan Gulzar Ali Sha Hussaini Qadri Sarwari Qadsallahu Sirrahul Azeez Ki NazreInayath Hovi Phir Aap Ke Dil Ki DuniyaBadalGayi Aur Aap Unhi Ke Daman Se Vaabasta Ho Kar1947 Me QalqeIradat Me ShamilHogaye. Aur AapkePeer – O – Murshad Ke Hukum Se Hi Aapne Sajeeda Khanum Ko Apne Nikah Me Qubool Kiya. Aapki Zoja Kondanahalli Malur Taluk Ke Rehne Wale The Aapki 4 Aulad Hain.
- Muhtaram Ayub Ahmed Urf Hazrath Sultan Zarawer Ali Sha Hussaini Qadri Sarwari
- Muhtaram Aftab Ahmed Urf Hazrath Sultan Zulfiqar Ali Sha Hussaini Qadri Sarwari
- Mehtab Ahmed Marhoom (Jinka Wisal Viladat Ke 9 Month Baad Hogaya. Inna Lillahi WaInallahi Raji’ Un)
- Muhtarama Saira Banu Urf Shakeela
Jab Aap ki Pheli Aulad Ayub Ahmed Batne Madr Me Parvarish Pa Rahe The Toh Aap Ki Zoja Ne Ek Noor Ko Asmaan Se Utar Te Dekha Jo Aap ke Shikam Me Qarar Pa Gaya Aur Wiladat Ke Ek Din Qabal Walid, Walida Aur Qaala Ko Bashara Hovi Jisme Aap Ne Deka Ke Ek NooriMakhlooq Ne Ek Roshan Tabaq Aapko Aatha Kiya Theeno Ne Beck Waqt Hi Khawab Ko Dekha. Aur Dusre Din Aap ko Bete Ki Niyamath Se Maula Ne Safaraz Farmaya. Aapne Apni Aulad Ki Ache Se Ache Tarbiyat Farmayi. Aap Apne Ahal O Ayal Ki Zimedari Ke Sath Sath Apne Peer – O – Murshad Ki Khidmat Me Bhi Raha Karte The.
Aap Ne Ishq-O-Adab Aur Mohabbat Ke Zariye Apne Peer – O – Murshad Ka Taqarube Khas Hasil Kya. Yehan Tak Ke Aapke Peer – O – Murshad Ne Aapkikhilafat Se Pehle Hi Aap Ka Naam Se Khilafat Nama Jaari Farmadiya Phir Aapko Hazrat Sultan Chanwar Ali Sha Hussaini Qadri Sarwari Ke Naam Se Mausam (Dedicated) Farmadiya Aap Khilafat Aatha Karne Se Pehle Hi WasileIllah Haq Hogaye Phir Aapke Peer-O-Murshad Ke Parda Hone Ke BaadAapkeTamam Peer Bhaiyon Ke Jaama Par Astana-E-Gulzariya Pahadi Damam Kolar Sharif Me 1972 Me Khilfath Se SarfarazFarmaya Gaya.
Aap Apne Peer-O-Murshad Ki TalimatKo Logon Me Tadame Hayat Aam Karte Rahe Aur Logon Ke Dilon Ko Noor E Iman Se Munawar Karte Rahe Aur Aap Deeni Khidmat Ke Sath Sath Samaji Khidmat Bhi Anjam Diya Karte Aap Apne Peer-O-Murshad Ke Urs Ke Moqe Par 2 or 3 Garib Bachon Ki Tamam Zimmedari Ke Sath Shadi Karaya Karte Aur ApnePeer-O-Murshad Ke Astana Ke Kharib Hi Shariat Ki Pasdari Ke Liye Apne Peer – O – Murshad Ke Naam Se Masjid E Gulzariya Ki BuniyadRakhi Aur Darul Uloom Gulzariya Ke Naam Se Madarse Ko Qayam Kiya Jisme Naziraye Hifz, Darse Nizamiye Ki Ibtidayi Kithabon Ki Taleem Di JathiThi Aur Khankha-E-Chanwariya Sidlaghatta (Karnatak) Me Har Saal Sunnat – E – Ibrahim Ka Ehtemam Kiya Karte Jisme Taqreeban 200 Se Ziyada Bachon Ki Sunnate – E – Ibrahimi Karayi Jathi Aur Zarurat Ke Mewa Bhi Bachon Me Taqseem Karte Alhamdulilah Aye Khidmat 30 Years Se Jaari O SaariHai. Aur DeeniKhidmat Me Aap Logon Ke Dilon Me Tareeqe Islam KoZindaRakne Ke Liye Maahe Rabi’al – Awwal Me Apne Peer-O-Murshad Hazrat Sultan Gulzar Ali Sha Hussaini Qadri Sarwari Qadsallahu Sirrahul Azeez Ke Astane Par JashneMilad Un Nabiﷺ Baade Hi Adab – O – Ehtaram Ke SathAzeem-O-Shaan Paimane Par Manaya Jaata Hai, Aur Logon Ke Dilon Ko Mohabbat Ahle BaitRasoolﷺ Se Jodne Ke Liye Muharram Sharif Me Khankha-E-Chanwariya Sidlaghatta (Karnatak) Me Yaad-E-Hussain Manaya JaataHai Aur Logon KoDamam-E-Auliya Allah Se Wabasta Karane Ke Liye 11ve Sharif KeMahine Me Khankha – E – Chanwariya Arcot (Tamil Nadu) Me Jashne Gousulwara Manaya Jaata Hai Aur Bhi Buzurgane Deen Ki Yaad Taza Karne Ke Liye Aise Jalson Ka In’aqadAzeem O Shaan Paimane Par Kiya Jaata Hai.
Sarwari Silsila Ke Buzurgon Me Se Ek Aap Hain Jinhone Taveel Arss Tak Sarwari Tareeq Ki Ishaatho Bulandi Ke Liye Mehnath – O – Mushaqath Farmayi Hai. Parvardigar Ne Aapko Kayi Tareeqon Ke Uloom Aur Funoon Me Mahrath Atha Farmayi Aur Aap Irfani Kalamo Me ShaukRakthe The UssiShauk Ki Bunyad Par Aap Ne *Chanwar ShammeHooman *Gulistan – E – Sarwari *Kuliyathe Chanwar Ki Tasnif Ki Aur Apne Tareeq Ke Zimadaron Ke Liye Aur Mureedon Ke Islah Ke Liye Aap Ne *Tauzihkar *Sharayate Vazavabith Ko Tasnif Farmaya Jisme Silsila – E – Aaliya Qadiriya Sarwariya Ke Usulon Ko Qalambandi Kiya Gaaya Hai Aur Aadab – E -Mureeden Fawaid Zima darane Committee Ko BaqaidaLikha Gaya Hai Jisme Shariat Ki Pabandi Ko Har Mureed Ke Liye Lazim Likha Gaya Hai. Aur Aap 75 Saal Apne Tareeq Ki Khidmat Ko Anjaam Diya Hai. Aap Ke Pehle Mureed Gulab Jan Zoja Aleem Sahib Marhum The Aap Ke Mureeden Ki Tadad Taqriban 48,000 Hain Aur Aap Ke 11 Khalife Hain. Jin Ke Naam DarjeZelHain.
- Hazrath Sultan Sufi QalandarAli Sha Hussaini Qadri Sarwari
- Hazrath Sultan Mahboob Ali Sha Hussaini Qadri Sarwari
- Hazrath Sultan Qadeem Ali Sha Hussaini Qadri Sarwari
- Hazrath Sultan Zarawer Ali Sha Hussaini Qadri Sarwari
- Hazrath Sultan Zulfiqar Ali Sha Hussaini Qadri Sarwari
- Hazrath Sultan Sarwar Ali Sha Hussaini Qadri Sarwari
- Hazrath Sultan Mazhar Ali Sha Hussaini Qadri Sarwari
- Hazrath Sultan Faiz Ali Sha Hussaini Qadri Sarwari
- Hazrath Sultan Owais Ali Sha Hussaini Qadri Sarwari
- Hazrath Sultan Baqtawar Ali Sha Hussaini Qadri Sarwari
- Hazrath Sultan Zakir Ali Sha Hussaini Qadri Sarwari
Aap Ki Mehnat – O – Mashaqat Se Hindustan Ke DakniIlaqaon Me Silsila-E-Qadri Sarwari Ki Ashaath Hovi Aur Logon Ke Dilon Me Rahe Sulok Ki Mohabbat Paida Hovi Aur Har Kisi Ne Allah Ki khudrat Par Ghaur – O – Fikar Karne Ki Puri Koshish Ki Aur Apne Aap ki Phechan Me Laga Rahe Ae Buzurgane Deen Ka FaizanHai Ke Iss Purfatan Daur Me Log Allah Ki Marifat Hasil Karne Ke Liye Kosha Hain Aur Aap Hamesha Apne Mureeden Ki Islah Ki Fikar Karte Rahte Aur ApnaZiyada Se Ziyada Waqt Mureeden Ke LiyeWaqaf Kar Dete Ussi Darde Mohabbat Se Aap Ne Khankhayi Nizam Ki Ibtida Farmayi Aur Aap Ki Mehnath O Mashaqath Se DakniIlaqaon Me Kul20 Khan khaon Ka In’ aqad Farmaya Aur Alhamdulillah AajBhi Vo Khankha Logon Ke Dilon KoIlme Marifat Se Munavar Kar Rahe Hain. Khan khaon Ke MuqamatDarjeZelHain.
1. Ramnagaram
2. Mysore
3. AnchKuppa
4. Pungnoor
5. Bengaluru
6. Chennai
7. Nellore
8. Vrinchipuram
9. Mysore Road
10. Chickbalapur
11. Sidlaghatta
12. Chintamani
13. Sholgiri
14. Mangampalaya
15. Ambur
16. Arcot
17. K.R Puram
18. Davangere
19. Kolar
20. Mulbagal
Ae Tamam Khankhaon Khankha – E – Chanwariya Ke Naam Se Mausam (Dedicated)Hain Aur Aap ke Khalife Aapke Mureeden Ki Tarbiyat Aur Islah KarkeUnn Ke Dilon Ko Noore Iman Se Munavar Farma Rahe Hain. Inn Khankhaon Se Log Har Tareeqe Se Faizab Ho Rahe Hain. Aap Aarif – E – Billa, Mard – E – Kamil, Mard – E -Khuda,Tarkuth Duniya, Wasile Haq Hain Aapke Akhri Mureed Rakesh Shambu Hai Jinhone Khankha – E – Chanwariya Bengaluru Me Mureed Hove. Aapka Wisal Mubarak 16/01/2020 Muthabiq 20 Jamada Al-Awwal 1441 Me Baroze Jumerat Ko Hova Aap Ka Mazare Sharif Aapke Peer – O – Murshad Ke Astane Ke Pas Hi Aapka Astana Marja – Ul – Qaliq Bana Hova Hai. Jahan Se Tamam Ashiqane Auliya Wahan Se Faiz O Barkath Mannat O Murad Se Faizab Ho Rahe Hain. Har Saal Aapka Urs Sharif 20, 21 Jamada Al-Awwal Me Manaya JaataHai. Issi Tarha Angrezi Tareeq Wafath Ke Muthabiq 16 January Ko Khankha – E – Chanwariya Vrinchipuram (Tamil Nadu) Me Yawm – E – Chanwariya Ki Mehfil Baadi Hi Aala Paimane Par Sajayi Jaathi Hai.
Hazaron Saal Nargis Apni Be Noori Pe Roothi Hai
Badi Mushkil Se Hota Hai Chaman Me Deedwar Paida
